Handa ang provincial government sang Negros Occidental kun may yara sang apektado nga Local Government Unit nga mangayo sang assistance kasunod sa nagluntad nga pagbaha sang Sabado sang nagbubo ang madamol nga ulan nga tuga sang Shear Line.
Sa interview sang Bombo Radyo kay Governor Eugenio Jose ‘Bong’ Lacson, kaangay nga indi na maintindihan ang panahon sa karun apang nagpaandam ini nga sa first half sang tuig 2026 kalabanan nga maapektohan sang weather disturbance ang Norte nga bahin sang probinsya.
Suno diri, epekto sang Shear Line pa lamang sa karun ang nagaka-eksperyensyahan apang dako ang halit sini kaangay na lamang sa nagluntad nga mga pagbaha kag flashflood.
Nagdangat naman sa 1,091 ka pamilya ukon 4,034 ka mga indibidwal ang apektado sang pagbaha samtang 1,034 ka pamilya ukon 3,982 ka indibidwal naman ang nag-evacuate.
