Ginpahayag ni NATO Secretary General Jens Stoltenberg nga nahisugtan sang ila mga allies nga magsupply sang mga equipment sa Ukraine agud protektahan ang mga ini batok sa chemical, biological, radiological kag nuclear nga mga pagpamahog.
Suno kay Stoltenberg, ini ang posible nga pagalakipan sang detection equipment, protection kag medical suppot, kasubong man training para sa decontamination kag crisis management.Gina-enhance man sang NATO allies ang preparasyon para sa chemical, biological kag nuclear threats.
Suno diri, ang ila top military commander nga si General Wolters ang nag-activate sang chemical, biological, radiological kag nuclear defence elements sang NATO kag nagadeploy man ang mga allies sang dugang nga chemical kag biological kag nuclear defences agud mareinfornce ang existing kag bag-o nga battlegroups.
Suno sa iya, ang nasambit nga tikang ang agud suportahan ang Ukraine kag depensahan man an ila kaugalingon.
Aminado ini nga sila ang nagakahangawa bangud ila nagakakit-an nga luyag sang Russia nga maghimo sang pretext nga pag-akusar sa Ukraine, Estados Unidos kag NATO allies nga nagapreparar sang chemical kag biological weapons.
Suno sa iya, una na nga nakit-an ang ini nga paagi sang pag-akusar sa iban nga sa pagkamatuod, isa ka paagi agud maghimo sang pretext sa tikang nga pagahimuon mismo sang Russia.
Gin-athag man sini nga wala sang kamatuoran ang mga akusasyo batok a NATO Allies kag Ukraine.
