Nagpalupok ang North Korea sang ginakabig pinakadako nga intercontinental ballistic missile sini sang Huwebes, suno sa Tokyo kag Seoul, isa ka dramatic nga pagbalik sa long-range testing nga nagtuga sang kaakig sa mga kaingod sini nga pungsod kag Estados Unidos.
Ang military sang South Korea ang nagpalupok sang isa ka missile barrage sa baybayon sang Japan bilang pagbalos sa ginlunsyar nga ICBM sang North Korea, ang labing una nga pinakamakusog nga missle full-range test ni Kim Jong Un humalin sang 2017.
Ang Pyongyang ang nagpatigayon sang malapit isa ka dosena nga tests nga may konsekwensya nga mga sanctions sini nga tuig.
Apang temporaryo nga gin-untat ang long-range kag nuclear tests humalin sang nagkitaay si Kim kag anay US president Donald Trump para sa isa ka bout sang dommed diplomacy, nga nagcollapse sang 2019.
Suno kay South Korean President Moon Jae In nga ang ginlunsyar sang North Korea sang Huwebes ang isa ka breach sang suspension sang intercontinental ballistic missile launches nga ginpromisa ni Chairman Kim Jong Un.
Suno sa iya, ini ang nagapakita sang seryoso nga pagpamahog sa Korean peninsula, sa rehiyon kag internation community kag ginpahayag nga ini ang maathag nga bayolasyon sa UN Security Council resolutions.
Hugot naman nga ginkondenar sang Estados Unidos ang tikang sang North Korea bilang bayolasyon sa Security Council regulations nga nagatuga sang tensyon kag ginarisgo ang pagdestabilize sang security situation sa rehiyon.
