Ginpangunahan ni North Korean leader Kim Jong Un ang isa ka performance test sang mga drones nga gindevelop sa pungsod.
Sang Sabado, si Kim ang nagbisita sa Drone Institute of North Korea’s Academy of Defense Sciences kag ginlantaw ang isa ka madinalag-on nga test sang drones nga nagatumod kag nagapangguba sang designated targets matapos naglupad kaupod ang nagkalain-lain nga preset routes.
Sa mga litrato nga ginrelease sag state media nga KCNA, makit-an si Kim nga nagalantaw sang test kag targets nga ginapalupok sang drones.
Si Kim ang nagpanawagan sang production sang dugang nga suicide drones nga gamiton sa tactical infantry kag special operations units kaangay sang underwater suicide attack drones kasubong man strategic reconnaissance kag multi-purpose attack drones.
Si Kim ang nagpanawagan man sang dugang nga tests sang combat application sang drones agud ma-equip ang North Korean military sa madasig nga tinion.
