Ginpahayag sang convenor sang Power Watch Negros nga nakabaton ini sang impormasyon nga ginwithdraw ang Notice to Strike nga ginfile sang Ceneco Union of Rational Employees ukon CURE matapos nga ginresend sang presidente sang mga ini nga si Nonoy Herez ang letter to file unnotice of strike.
Sa interview sang Bombo Radyo Bacolod kay Wennie Sancho, wala ginpahanugutan ang ginaduso nga strike sang mga empleyado sang Central Negros Electric Cooperative (Ceneco).
Suno kay Sancho, nagresign na bilang presidente sang labor union sang Ceneco si Herez kag wala man ini nagmando nga magfile sang notice of strike.
Suno diri, lain nga persona ang nagpadala sang notice kag ini ang wala sang pahanugot gikan sa mga presidente sang labor union.
Suno kay Sancho, legally kag santo sa paglantaw sang isa ka labor advocate, ang notice to strike sang labor union sang Ceneco ang null and void.
Suno diri, ang kinamatarong nga magstrike ang ginagarantiya sang constitution apang nagakadapat nga magasunod ini santo sa ginamando sang layi.
Ginpakamaayo man sini nga ginwithdraw ang strike sang labor union sang electric distributor bangud ang bisan ano nga power interruptions ang makatuga sang pagpauntat sang trabaho, indi lamang makaapekto sa ekonomiya apang makaapekto man sa paghatag sang basic services sa publiko.
Suno kay Sancho, sa tion nga magwelga ang mga empleyado, kabigon ini nga illegal ilabi na kun wala ang mga ini nagfile sang notice of strike nga naaprubahan sang Ceneco.
Suno diri, ang magapamilit nga magpatigayon sang strike nga wala sang approval ang nagsugal lamang sang ila bwas damlag bangud mahimo ang mga ini madulaan sang ila mga benepisyo kag pension sa tion nga magretiro.
Panugyan ni Sancho, kun nagapamatok ang mga ini sa Joint Venture Agreement kuntani nagboto ang mga ini sang NO sa plebisito sa baylo nga maghimo sang mga tikang nga makahalit sa mga kunsumidor.
Panindugan pa sini ang JVA lamang ang makasalbar sa indi maayo nga pagserbisyo sa mga pumuluyo nga madugay na nga nagaagunto.
Suno kay Sancho, dapat mas maintindihan ini sang mga empleyado sang Ceneco.
