-- ADVERTISEMENT --
Nakilal-an na ang napatay nga miembro sang New People’s Army (NPA) sa engkwentro sa tunga nila sang militar sa boundary sang Kabankalan, Negros Occidental kag Ayungon, Negros Oriental nagligad nga Sabado sang kaagahon.
Mismo ang iloy nga si Julita Pacheco ang nagkilala sa iya bata nga si Joseph, 22-anyos sang Brgy. Buenavista, Himamaylan City, Negros Occidental.
Madumduman nga napatay si Joseph sang nakaengkwentro sang grupo sini ang 62nd Infantry Batallion, Philippine Army sa boundary sang Carol-an, Kabankalan kag Upper Carol-an, Ayungon, mga alas-5:00 sang kaagahon sang Sabado.
Nakilala sang iloy ang iya bata pinaagi sa burn scar sa iya nawala nga butkon kag iban nga parte sang iya lawas.
