Arestado ang isa ka miyembro sang New People’s Army nga ginatudlo suspek sa kaso nga rape matapos ang madinalag-on nga Joint Enhanced Military and Police Operation (JEMPO) nga ginpatigayon sang 94th Infantry Battalion sang Philippine Army kaupod ang Himamaylan City Police Station, 2nd Negros Occidente Provincial Mobile Force Company (NOCPMFC) kag Philippine National Police Maritime Negros Occidental.
Si Lodorico But-ay alyas Jude kag residente sang Sitio Cunalom, Barangay Carabalan, Himamaylan City, Negros Occidental ang nadakpan sang Biyernes.
Ang 68 anyos nga arestado ang commander sang Yunit Militia kag subject sa warrant of arrest nga ginpagwa ni Judge Walter Zorilla sang RTC Branch 55, Sixth Judicial Region, Himamaylan City, Negros Occidental sadtong September 16, 2019.
Ang warrant ang gin-issue sa kaso nga rape kag wala sang ginrekomendar nga piyansa para sa temporaryo sini nga kahilwayan.
