Dakop ang isa ka katapo sang New People’s Army (NPA) sa Sitio Cubay, Barangay Talaban, Himamaylan City, Negros Occidental matapos nga ginserbEhan sang warrant of arrest sa kaso nga attempted murder alas-11:00 sang aga kahapon.
Suno kay P/Lt Markelly Laganipa, deputy for operation sang Himamaylan City Police Station, ang NPA member ang ginkilala kay Jayson John Gazon, 30 anyos, residente sa Purok 2, Barangay San Antonio, Himamaylan City kag nagaserbe nga courier sang Communist Terrorist Group sa idalum sang Mt. Cansermon Command sang Central Negros 2.
Suno kay Laganipa, kapin 15 kilometros ang ang Barangay San Antonio sa Barangat Talaban kun sa diin dakpan ang suspetsado, sa nabukid na nga bahin sang syudad.
Sa karun ang NPA member ang nakahunong na sa kustodiya sang Himamaylan City Police Station kag padayun pa nga ginatsekyar kun may-ara pa ini sang iban nga records.
