NPA members nga napatay sa engkwentro sa Candoni, nagsaka na sa walo matapos masundan ang engkwentro kahapon

Isa ka dugang nga New People’s Army member ang kumpirmado nga napatay sa liwat nga engkwentro sa Barangay Gatuslao, Candoni, Negros Occidental.

Ini ang ginkumpirmar mismo ni 302nd Infantry Brigade Commander Brig Gen Joey Escanillas.

Ang ikaduha nga engkwentro sa tunga sang mga katapo sang South West Front sang NPA kag 15th kag 47th Infantry Battalion sang Philippine Army ang natabo kapin alas-5:00 kahapon sang hapon.

Narecover sa encounter site ang 16 ka backpacks, duha ka improvised explosive device (IED) kag isa ka .45 cal. pistol.

Bangod sini, nagsaka na sa walo ang kumpirmado nga napatay gikan sa NPA, samtang wala naman sang napilasan sa bahin sang militar.