Nagapreparar sang mga activities ang Negros Occidental Provincial Disaster Risk Reduction Management Office kasunod sang ila selebrasyon nga National Disaster Resilient Month.
Sa interview sang Bombo Radyo Bacolod kay Irene Plotenia, focal person sang Negros Occidental PDRRMO, dapat nga mahatagan sang impormasyon ang mga pumuluyo kaangay sang disaster preparedness kag importansya nga ma-address ang challenges sa climate change.
Suno diri, ang ini nga selebrasyon makapreparar para sa tanan sa mga posible nga magluntad nga mga disaster incidents.
Gin-athag man sini nga ang problema sa climate change indi lamang iya sang gobyenro apang ini ang pagpanghangkat sa komunidad kag dapat ang tagsa may yara sang dapat nga itrabaho agud mabatuan ini.
Pahayag ni Plotenia, importante nga timprano pa nga mahibaluan sang mga pumuluyo nga indi lamang sa gobyerno sila magsalig sa ila nga safety apang sila mismo ang magpreparar man.
May yara sila sang series of activities nga ginpreparahan para sa National Disaster Resilient Month, kaangay sang lecture demo on bombing, fire prevention and preparedness, basic first aid, basic life support, community preparedness, Operation Listo, Bleeding control basics, treeplanting, rescuelympics sa mga buluthuan kag youth groups kag water search and rescue trainig kag madamo pa.
Ang tanan nga lectures free ukon wala sang bayad gani gina-ingganyo ni Plotenia ang tanan nga magpartisipar sa ila activities nga pagahiwaton sa Ayala Mall Event Center.
Dugang pa niya, mas maayo nga ma-expose sa ini nga events ang mga kabataan kag mga buluthuan nga sila mahatagan sang basic training.
Pahayag ni Plotenia, ang pag-intra sa National Disaster Resilient Month makabulig sa tagsa para sa mas safe, adoptive kag resilient nga probinsya sang Negros Occidental.
