Numero sang gun ban violators sa Western Visayas, naglapaw na sa isa ka gatos

Nagdangat na sa 109 ka mga indibidwal sa Western Visayas ang nadakpan nga naglapas sa Comelec gun ban.

Sa data sang Police Regional Office (PRO VI), as of March 16, may 13 nga nadakpan nagikan sa Aklan, tatlo sa Antique, tatlo sa Capiz, duha sa Guimaras, 19 sa probinsya sang Iloilo, 43 sa Negros Occidental, 11 sa syudad sang Iloilo kag siyam sa Bacolod City.

Madumduman nga duwa na kabulan ang pagpatuman sang comelec gun ban umpisa Enero 9 tubtob Hunyo 8, 2022.

Sa 109 nga indibidwal nga nagbayolar, 65 ang mga assorted firearms samtang 54 ang deadly firearms. Mayorya sa mga firearms ang indi lisensyado.

Nahibaluan nga duwa ang kaso nga paga-atubangon sang violator kag amo ini ang pagbayolar sa Comelec Gun Ban kag Illegal Possession of Firearms.