Nagdoble pa ang numero sang mga applicants nga nagpila sa Commission on Elections (Comelec)-Bacolod sa ikaduha nga adlaw sang voters registration para sa SK kag Barangay Elections nga patigayunon sa Disyembre 5.
Suno kay Juliet Baylon, isa ka iloy nga nag-upod sa iya bata nga magparehistro, alas-4:00 ang takna sa kaagahon nagpila na sila agud makatemprano apang sang nag alas-7:00 na ang takna sang aga, may yara sang nagluntad nga gamay ginamo bangud madamo na ang nagsinal-ot sa pila nga bag-o pa lang nag-abot.
Suno kay Baylon, unfair man sa mga nauna nga nagpila ang mga nauna pa kumparar sa nagpila na sang madugay.
Suno diri, sila nalang ang nagahimo sang tikang agud nga indi masal otan kaangay sang tandaan kun sin o ang tawo sa una kag likod agud mahibaluan kun may nagsal-ot sa pila.
Samtang nagsuhestyon man si Abad Distrito, isa sa mga nagapila agud magpatransfer sang rehistro sini nagikan sa banwa sang Hinigaran nga dapat ihatag nalang sang COMELEC ang 250 nga number agud indi magtinir sa pila ang mga indi malab-utan sang numero.
