Nagsaka sang 5 porsyento ang numero sang mga baboy nga gin-ihaw sa Bacolod City Slaughterhouse sa Barangay Handumanan, Bacolod City apisar sang isyu sang African Swine Fever (ASF).
Nahibaluan nga sang damlag lang ginpasar sang lokal nga pamunuan sang probinsya ang ordinansa nga nagadumili sa pagsulod sang pork products nagikan sa Luzon kag sa iban pa nga mga lugar nga apektado sang virus.
Sa pinaka-latest nga data, kada adlaw, kapin 300 ka mga baboy ang nagaka-ihaw sa slaughterhouse.
Ginalantaw man nga magasaka pa gid ang numero sang mga ilihawon nga baboy sa Disyembre 30.
Madumduman nga sa kaangay nga petsa nagligad nga tuig, nagdangat sa isa ka libo ka mga baboy ang gin-ihaw.
Ginalauman naman nga magapasar sang resolusyon ang Sangguniang Panlungsod sang Bacolod para sa rate increase sang slaughter fee.
