Nagdangat sa 392 ka mga kabarangayan sa probinsya sang Negros Occidental kalakip na ang syudad sang Bacolod sa mga drug cleared santo sa ulihi nga data sang Philippine Drug Enforcement Agency Regional Office 6.
Sa interview sang Bombo Radyo Bacolod kay Investigator Agent III Jyx Escrupulo, PDEA Negros Occidental Head, 392 na ka mga barangay ang drug cleared per Local Government Units as of December 2022.
Ini ang ginalakipan sang Bacolod City nga may 14 ka barangays; Bago City 20 ka barangays; Binalbagan 7 ka barangays; Cadiz City 12 ka barangays; Calatrava 16 ka barangays; Candoni 9 ka barangays; Cauayan 19; EB magalona 16; Escalante City 8; Himamaylan City 15; Hinigaran 16; Hinobaan 9; Ilog 14; Isabela 22; Kabankalan City 16; La Carlota City 10; La castellana 12; Manapla 10; Moises Padilla 15; Murcia 8; Pulupandan 20; Pontevedra 14; Sagay City 12; Salvador Benedecto 6; San Carlos City, pito ; San Enrique, lima ; Silay City-siyam; Sipalay City 17; Talisay City 12; Toboso may pito; Valladolid 14; kag Victorias City may 15 ka mga barangays nga nadrug cleared.
Samtang, ginpahayag man ni Escrupulo nga may yara sang mga LGUs magluwas sa Bacolod City kaangay sang Sipalay nga may yara na sang Balay Silangan apang wala pa nagaoperate sa karun matapos ginakay-o pa ini bangud naguba tuga sang bago.
Suno pa diri, ang syudad sang Bacolod may yara na sang 18 ka mga graduates sa Balay Silangan sa syudad sang Bacolod.
Kalabanan man sang mga ini ang active bangud ang mga ini ang plea bargainers kag kinahanglan sang mga ini nga kumpletuhon ang mga Balay Silangan transformational program bangud required ini sa korte kag kun indi macomply sang mga ini, marevoke ang plea bargain grant kag ibalik ang mga ini sa prisuhan.
Nagpanugyan man ini sa mga Kabarangayan nga indi lang obligasyon sang PDEA kag law enforcement agencies ang kampanya batok sa illegal nga druga kundi dako man ang bahin sang Barangay sa pagtapna sang illegal nga druga.
