BACOLOD CITY — Nagsaka sini nga tuig ang numero sang mga ido sa probinsya sang Negros Occidental nga positibo sa rabies.
Santo sa datos sang Provincial Veterinary Office, 21 na ka mga ido ang may yara sang rabies nga narekord humalin Enero tubtob Hulyo sini nga tuig.
Mas mataas ini kun ikumprar sa 12 lang sang nagligad nga tuig sa pareho nga period.
May yara sang 9 sa Himamaylan, may tag-3 sa Silay kag Candoni, 2 sa Murcia kag may tag-isa naman sa Hinobaan, Kabankalan, Moises Padilla kag Cauyan.
Suno kay Provincial Veterinarian Dr. Renante Decena, target karun sang ahensiya nga makapatigayon sang 70 porciento nga vaccination sa mga ido sa probinsya kun sa diin nagadangat sa kapin 240 mil ang populasyon.
Tubtob sa bulan sang Hunyo sini nga 2018, nagdangat na sa 56 porciento ang vaccination program sa mga ido.
Sini nga tuig may yara naman sang tatlo ka tawo nga napatay bangud sang rabies sang ido.
Sini nga tuig ginkumpirmar man ni Dr. Decena nga kulang sang 30 porciento ang suplay sang anti-rabies vaccine para sa mga ido sa probinsya.
Ang isa ka vial sang vaccine ang sarang nga ma-inject sa napulo ka mga ido.
Sa karun mga 18 mil ka vials ang ginakinahanglan sang probinsya.
