Indi magnubo 636 ka mga sibilyan na ang nadulaan sang kabuhi kag 1,125 ang napilasan sa Ukraine humalin sang nagsugod ang gyera sang tinalikdan nga bulan suno sa Office of the UN High Commissioner for Human Rights.
Ang nasambit nga numero amu ang verified deaths kag mga injuries suno sa OHCRH kag ang actual nga numero ang ginalauman nga mas mataas pa.
Kalabanan sa mga casualties ang bangud sa mga bomba nga nag-iga sa malapad nga mga areas lakip na ang shelling, missiles kag air strikes.
Suno sa presidential adviser sang Ukraine nga si Mykhailo Podolyak, ang Ukraine kag Russian ang may yara sa karun sang “technical pause” sa ila mga negosasyon tubtob subong nga adlaw, Martes.
Apisar nga ang tatlo ka rounds sang talks ang ginhiwat sa Belarus, ang ikaapat nga round sang pag-istoryahanay ang ginpatigayon naman sa malayo nga lugar.
Suno kay Podolyak, nagapadayon sa karun ang ila mga negosasyon.
Masobra 2.8 million nga mga persona naman ang nagbiya sa Ukraine humalin sang nag-invade ang Russia.
Sa latest update, masobra 1.72 million ka mga persona ang nagtabok sa border padulong sa Poland apang wlaa pa diri nalakip ang updated figures sa mga nagtabok sa iban nga pungsod nga may border sa Ukraine.
Suno sa World Health Organization surveillance system, indi magnubo sa mga 24 ka mga health care facilities kag lima ka mga ambulansya ang naguba.
Ang pagpang-atake sa mga health cares ang nagtuga sang kamatayon sang 12 ka mga persona kag 34 ang pilason humalin sang nagsugod ang Russian invasion.
