Padayon nga nagasaka ang numero sang mga napatay duha ka adlaw matapos ang tuman ka dako nga flash flood sa Nepal-Tibet border sang Miyerkules, Agosto 26.
Indi magnubo sa 543 ka mga bangkay ang narekober sa rehiyon samtang kapin sa 2,000 pa ang missing , santo sa mga otoridad.
Suno naman sa Nepal Police, yara sa 4,451 ka mga indibidwal ang nasamaran kag na-rescue, lakip diri ang 129 ka foreign nationals, kag may kabug-usan nga 8,380 ka mga police personnel ang gin-deploy.
Sa bahin sang Nepal, 1,924 ka tawo ang nagapabilin nga missing santo sa National Disaster Risk Reduction and Management Authority, sa diin 579 diri ang gin-report nga patay, samtang lima naman sa China.
Ang makamamatay nga baha ang naggikan sa kabukiran sang Nepal kag Tibet, kag nagdaludo tubtob sa 100 ka kilometros ang kalayuon halin sa border.
Santo sa Nepal Disaster Management, ang baha ang tuga sang isa ka landslide nga natabo 12 ka milya ukon halos 19 kilometros sa northeast sang Rasuwagadhi border post.
Na-record ang 5.2-magnitude nga seismic activity bangud sa landslide santo sa U.S. Geological Survey.
Santo sa isa ka geophysicist, posible nga nadala sang landslide ang dako nga bloke sang glacier sa Himalayas.
