Nagdangat na sa 83 ang napatay samtang 39 naman ang missing sa Negros Island Region bangod sa bagyo TINO.
Suno kay Office of the Civil Defense- Negros Island Region Director Donato Sermeno, 83 na ang narekord nga ginbawian sang kabuhi, 39 ang missing kag 49 ang reported nga injured.
Santo sa datos sang Office of the Civil Defense- Negros Island Region, as of November 9, 6:00 pm, sa Negros Occidental- 10 ang napatay sa La Castellana; duha sa Murcia, tatlo sa San Carlos City; pito sa Bago City; tatlo sa La Carlota City; 14 sa Moises Padilla; isa sa Himamaylan City; isa sa Hinigaran; walo sa Pontevedra; isa sa Binalbagan; anum sa Isabela kag anum sa Ilog; samtang sa Negros Oriental- 20 ang napatay sa Canlaon City kag isa sa Vallehermoso.
Sa numero naman sang mga nammissng, apat sa Bago City; anum sa La Carlota City; isa sa Hinigaran; 16 sa La Castellana; lima sa Isabela; kag duha sa San Carlos City kag lima sa Canlaon City.
Samtang may yara sang indi maagyan nga taytay kag dalan sa Pontevedra, Bago City, La Castellana, Binalbagan, La Carlota City, San Carlos City, Moises Padilla, kag Canlaon City.
Sa karun wala man sa gihapon sang kuryente sa banwa sang Moises Padilla kag La Castellana kag iban sa mga police station wala man sang kuryente nga ginalakipan sang Don Salvador Benedicto Municipal Police Station, Moises Padilla Municipal Police Station, La Castellana Municipal Police Station, Bago City Police Station, Calatrava Municipal Police Station, kag 2nd Negros Occidental Provincial Mobile Force Company kasubong man ang Bacolod Police Station 3,4,5 kag 7.
Suno kay Sermeno, maabot bwas nga adlaw si Tourism Secretary Christina Garcia Frasco bilang representante ni President Ferdinand Marcos Jr para magbisita sa probinsya kag maglibot -libot sa mga lugar nga tuman nga nahalitan sang bagyo.
