Numero sang Pilipino nga wala sang trabaho, nagnubo sang Nobyembre 2024 santo sa data sang Philippines Statistics Authority

Nakita ang pagnubo sang numero sang mga Pilipino nga wala sang trabaho sang Nobyembre sang nagligad nga tuig suno sa Philippines Statistics Authority (PSA).

Ini apisar nga may yara sang seasonal increase sa demand sa trabaho sa tion sang “ber” months padulong sa holidays.

Sa isa ka press conference, ginpahayag ni PSA chief kag National Statistician nga si Claire Dennis Mapa nga yara na sa 1.66 million ka mga indibidwal ang wala sang trabaho nga nagaedad sang 15 anyos pasaka.

Mas manubo ini kun ikumparar sa 1.83 million ka mga jobless nga tawo nga na-record sa pareho nga period sang tuig 2023 kag sa 1.97 million ka unemployed nga mga indibidwal sang Oktubre 2024.

Sa karon yara na sa 3.2 percent ang unemployment rate sa Pilipinas.