Ginpatpat sang abogado ang obligasyon sang kumpanya nga nagakapot sang isa ka public utility as tion nga ini ang maaksidente kag may-ara sang mapatay.
Ini kasunod sang pagkahulog sa pil-as sang Ceres Bus sa Barangay Igbucagay, Hamtic, Antique sang Martes kun sa diin 18 ang patay samtang 11 naman ang pilason.
Sa interview sang Bombo Radyo Bacolod kay Atty Jomax Ortiz, may nanarisari nga insurance system sa public utility vehicle kag sa mga private vehicles.
Suno diri kun wala sang nakita nga negligence sa bahin ang driver, indi ini legally liable.
Samtang kun pagabayaran sang driver ang hospitalization sang pasyente bilang moral obligation, wala naman nagakahulugan nga ini ang guilty na, sa baylo ini ang ginapanugyan man sang Korte Suprema bangod nakita nga pinaagi sini mahimo pa nga may masalbar nga kabuhi.
Paathag sang abogado nga ang aksidente nga indi makabig negligence amo ang tuga sang fortuitous event kaangay ang ginstroke, nakilatan ukon naglinog.
Apang sa bahin sang pagkadula sang prino, apisar nga wala ginhungod, gina-athag ni Ortiz nga kabahin sa responsibilidad sang Ceres liner ang pagcheck sini antes ang kada byahe.
Sa natabo naman nga pagka-akisdente, ginalantaw man sang abogado ang iban pa nga sarang ginhimo sang driver kaangay sa pag-low gear kag pagpatay sang makina ilabi na nga kilala na nga accident prone ang lugar.
Paathag ni Ortiz nga sa kaangay nga aksidente mahimo malagas sang mga biktima ang driver ukon ang kompanya nga nagapanag-iya sang salakyan.
Bangod sini ang Vallacar Transit Inc. ang nakita sini nga may salabton sa pasahero.
Sa masami ang claims ang yara sa maximum nga P100,000 sa mga nadulaan sang kabuhi sa bahin sang third party liability.
Apang paathag ni Ortiz nga sarang makakuha sang masobra diri ang pamilya sang napagtay, bangod ang computation sang korte ang nakadepende lost income sang nagtaliwan gikan sa edad sini tubtob sa life expectancy nga 72 anyos sa lalaki kag 73 anyos sa babayi.
Gani paathag ni Ortiz nga ang recovery ang nakadepende sa earning capacity ukon sa status sang biktima.
