Nangin malinong kag matawhay ang obserbasyon sang Semana Santa sa syudad sang Bacolod, suno sa city director sang Bacolod City Police Office (BCPO).
Suno kay Police Col. Thomas Joseph Martir, wala sang narecord nga major incidents ang BCPO samtang ginpatigayon ang mga activities sa Holy Week.
Nagdeploy man sang mga kapulisan sa mga seaports kag mga terminals agud nga masiguro ang seguridad sang mga biyahero.
Suno kay Martir, nakarecord ang BCPO sang accomplishments matapos nga nangin madinalag-on ang pagpatigayon sang Holy Week.
Nagpasalamat man ang city director sang BCPO sa tanan nga mga pumuluyo nga nagkooperar agud mangin malinong kag matawhay ang pagpatigayon sang Semana Santa sa syudad.
Nahibaluan nga may yara sang Oplan Semana Santa ang Philippine National Police kun sa diin yara sa full alert status ang mga kapulisan agud mabantayan ang mga aktibidades sa Semana Santa kag makabutang man sang police assistance desk sa mga lugar nga ginadugukan sang tawo.
