Naga-apela ang Office of Civil Defense Region 6 sa mga pumuluyo nga nagapuyo sa sulod sang 6km extended danger zone nga likawan ang pagsulod sa area samtang ang status sang Bulkan Kanlaon nagapakita nga liwat ini nga maglupok.
Sa interview sang Bombo Radyo Bacolod kay OCD-Region 6 Director Raul Fernandez, nagapakita ang bulkan sang mga indicators kaangay sa natabo nga eruption sang Disyembre 9.
Suno diri, santo man sa pahayag sang Philippine Institute of Volcanology and Seismology (PHIVOLCS) nga dako ang tsansa nga liwat maglupok ang bulkan.
Agud masiguro nga hilway ang mga evacuees, naga-apela ini nga indi anay pagpabalikon sa ila mga puluy-an ang mga pumuluyo.
Isa sa ila ginatun-an sa karun nga kun mag-erupt ang bulkan kag magdangat na sa 10km ang dapat nga i-ivacuate, mas madamo na nga tawo ang dapat nga kuhaon sa ila mga puluy-an.
Samtang, ginalauman nga matapos na sa masunod nga semana ang pagpatindog sang tent city sa banwa sang Pontevedra kag ciudad sang Himamaylan nga amo ang saylohan sang mga apektado nga pumuluyo pananglitan nga magsaka sa alert level 4 ang status sang bulkan.
