Nagsapol na ang Office of the Civil Defense – Negros Island Region agud nga mapreparahan ang pagsulod sang Bagyong Opong.
Sa interview sang Bombo Radyo Bacolod kay Dr. Ana Maria Laarni Pornan, pinuno sang Bacolod City Disaster Risk Reduction Management Office, santo sa ila meeting ang Bacolod ang indi direkta nga maapektuhan sang nasambit nga bagyo apang pabaskugon sini ang hangin habagat ukon Southwest Monsoon.
Ang ciudad ang makaeksperyensya sang moderate to heavy rains subong nga adlaw tubtob bwas, Biyernes.
Suno kay Pornan, ang moderate to heavy rainfall ang maeksperyensyahan karun sa udto ukon sa hapon.
Samtang bwas, Biyernes ang ciudad ang ipaidalom sa yellow rainfall warning bangud ang ciudad ang makaeksperyensya sang 50-100 milliter nga pag-ulan.
Sa karun ang Bacolod City DRRMO ang ginpaidalom sa blue alert status agud nga imonitor ang weather conditions kasubong man ang sitwasyon sang ciudad.
Panilagan pa sang City DRMMO kun magaluntad pa ang pagbaha ilabi na sa Barangay Pahanocoy bangud may yara na sang flood intervention nga ginhimo ang Bacolod City Engineers Office.
