Nagapadayon ang koordinasyon sang Office of Civil Defense-Negros Island Region sa mga Local Government Units (LGUs) para sa preparasyon pananglitan nga magsaka sa Alert Level 4 ang Bulkan Kanlaon.
Sa interview sang Bombo Radyo Bacolod kay Office of Civil Defense-Negros Island Region Director Donato Sermeno III, nagadihon ang mga ini sa karun kaupod ang mga LGUs sang inventory kun sa diin ginalantaw kun sa 9,000 ka mga pumuluyo nga maapektuhan sa tion nga magsaka ang alert Level sang nasambit nga bulkan, kun pila ang dal-on sa evacuation centers kag kun pila ang may mga paryente nga makadtuan ukon makarkila sang balay.
Suno Sermeno, ang tent City sa ciudad sang Himamaylan halos tapos naman.
Nagapanawagan ini sa mga Local Government Units nga luyag magpatindog sang tent City magbisita lang sa Himamaylan City agud nga may yara sang idea kun paano ini igaplastar.
Pila sa mga LGUs nga nagdihon na sang mga butangan sang mga evacuees pananglit nga magsaka sa Alert Level 4 ang Bulkan Kanlaon kaangay lamang sang ciudad sang Silay, San Carlos kag ang ciudad sang Bago nga nagplastar na sang mga bahay kubo.
Ginpahayag man sini nga ang ginmeetingan nila sang presidente sang ini ang nagbisita sa ciudad sang La Carlota amo ang long term solusyon para sa mga evacuees bangud ang bulkan ang wala mapaktan kun san-o pa maglupok.
Dugang pa ni Sermeno nga wala natapos sa pagplastar sang mga evacuees ang ila trabaho kundi may yara pa sila sang trabaho para sa recovery kag pagplastar sang mga livelihood sang mga nahalitan sa tion nga liwat maglupok ang Bulkan Kanlaon.
