Ginkumpirmar sang Office of the Civil Defense Negros Island Region ngha wala sang nakita nga artificial dam sa Bulkan Kanlaon nga makita sa bahin sang Negros Occidental.
Sa interview kay Mylene Gonzaga, Spokesperson sang OCD-NIR, nagpatigayon sang aerial drone survey ang Office of the Civil Defense – Negros Island Region sa ibabaw nga bahin sang Bulkan Kanlaon agud matsekyar kun may nagakahuman nga artificial dam.
Suno kay Gonzaga ang nagpatigayon sang aerial survey gamit ang drone amo ang Negros Occidental Provincial Disaster Risk Reduction Management Office.
Suno diri, mapatigayon pa sang aerial survel sa bahin sang Negros Oriental agud nga masiguro nga wala sang artificial dam.
Madumduman nga ini ang gindihon kasunod sang pagdaludo sang lahar kag mud flows gikan sa ibabaw sang bulkan nga nagpa-awas sa pila ka mga sapa sa banwa sang La Castellana matapos sang pagbubo sang madamol nga ulan.
Importante nga matsekyar kun may artificial damming bangud delikado ini kag ini ang makatuga sang flash flood ukon pagdaludo sang tubig kaangay sang natabo sa Nepal.
