Gintalana sang Barangay 3, Bacolod City ang ila nga P100,000 cash grant gikan sa Bawat Barangay Makikinabang (BBM) Program sang Office of the President para sa pagbakal sang office equipment sa Brgy.
Sa interview sang Bombo Radyo kay Punong Brgy Leonidas “Bob” Asan, ginpahayag sini nga magabakal ang brgy sang printer kag computer nga kinahanglanon sa ila opisina.
Samtang suno sa Punong Barangay, luyag kuntani niya ipaagi sa examination ang pagpili sang lima ka scholars apang wala na sang tiempo.
Gani suno kay Asan, ang tuman ka pigado ang ila ginpili nga scholars kaangay sang mga estudyante nga may mga ginikanan nga indi na makasarang nga magtrabaho kaangay sang nastroke ukon nadisgrasya.
Suno diri, wala naman siya sang may nabaton nga problema gikan sa mga pumuluyo bangud luwas sa nasambit nga presidential scholar may ara man sila nga daan nga educational assistance sa ila nga brgy.
