Ginabantayan sang Office of Civil Defense- Region 6 ang low pressure area (LPA) nga nangin bagyo na subong nga hapon nga posible maglabay sa bahin sang Northern Negros.
Sa interview sang Bombo Radyo kay Raul Fernandez, director sang Office of Civil Defense- Region 6, ang LPA ang may manubo nga tsansa nga mangin tropical depression.
Ini ang magadala sang heavy to intense rain kag bangod madamo sang abo nga ginbuga ang Bulkan Kanlaon ginalantaw ang posibilidad nga magluntad ang lahar flow.
Sa karun, ila na ginakonsiderar ang pagpalapad sang permanent danger zone tubtob sa 10 km radius.
Plano man nga irelocate ang mga evacuees sang banwa sang La Castellana kag ciudad sang La Carlota sa Panaad stadium ukon sa ciudad sang Himamaylan.
Ginahulat pa ang 21 ka adlaw humalin sang Disyembre 9 kun san-o ini nag-erupt kag amo na nga madesisyonan kun makapauli na ang mga pumuluyo ukon indi.
