Temporaryo nga ginsaylo sa 3rd floor sang Bacolod City Government Center ang opisina sang alkalde sang syudad sang Bacolod matapos nga gin-umpisahan na ang renovation sini.
Sa interview sang Bombo Radyo Bacolod kay Atty. Karol Joseph Chiu, secretary to the Mayor, ang renovation ang gin-umpisahan na sa opisina ni Bacolod City Mayor Alfredo Benitez sa 3rd floor sang BCGC bangud pasangkaran ang conference room sini.
Suno kay Chiu, santo sa kontrata, 240 calendays ang kinahanglan agud nga matapos ang pagrenovate sang opisina.
P16 million ang budget para sa renovation sang Mayors Office.
Ang mangin disenyo sini ang mas dako na ang lugar sang duha ka conference rooms samtang gamay naman ang sa opisina sang alkalde apang kinahanglan sagihapon sundon ang standard nga kadakuon sang isa ka opisina.
Palibutan sang crystal ang opisina sang alkalde kasubong man ang conference room bangud luyag sang alkalde nga masanag ang opisina sini.
