Ginkumpirmar sang gobernador sa probinsya sang Negros Occidental nga ang Office of the Civil Defense-6 ang nagsuhestyon nga magpatigayon sang pre-emptive evacuation sang mga residente nga nagapuyo sa sulod sang 6 kilometers gikan sa Bulkan Kanlaon.
Sa interview kay Negros Occidental Governor Eugenio Jose “Bong” Lacson, ginsushesyon sang OCD ang pre-emptive evacuation bangud sa aktibidad sang Bulkan Kanlaon.
Ang mga Local Government Units ang ginalakipan sang Bago, San Carlos, La Carlota kag La Castellana.
Suno kay Lacson, naghuo man ini sa suggestion sang OCD apang irefer niya ini sa mga LGU kag nakahibalo man ini nga ang nasambit nga LGUs ang nakahanda naman kag nagabantay naman sa sitwasyon sang Bulkan Kanlaon.
Suno sa gobernador, ang banwa sang La Castellana ang yara naman sang ginapatigayon nga pre-emptive evacuation.
Ginpahayag man sini ang probinsya ang nakahanda nga magbulig sa La Castellana bangud sang nakaligad nga Hunyo sang naglupok ang Bulkan Kanlaon, nagpatigayon man sang evacuation kag ang budget sang banwa ang apektuhan man.
Suno pa sa gobernador, ginrekomendar sang OCD ang paggamit sang Panaad Stadium sa Bacolod City bilang evacuation center sang mga pumuluyo malapit sa Bulkan Kanlaon sa tion nga maglupok ini.
Nagapangabay kag nagapangamuyo man ang gobernador nga indi na maglupok ang Bulkan Kanlaon.
