Ginalantaw nga 10 million ka mga pumuluyo ang maapektuhan sang Super Typhoon Pepito kasunod sang pagwaswas sini sa Luzon suno sa Office of the Civil Defense (OCD).
Ini ang nagtuga sa national government agencies agud nga magpatigayon sang disaster response measures, nga ginalakipan sang pre-emptive and force evacuation sa mga residente nga yara sa nanubuan nga lugar kag mga banwa kasubong mobilization of search and rescue teams, equipment kag relief supplies.
Gin-athag man sini nga ang nalakip na sa projected figure ang mga tawo nga nadisplace na nga daan sang iban nga bagyo nga nalakipan sang Tropical Storm Ofel kag Severe Tropical Storm Kristine.
Suno sa OCD ang estimated figure ang basehan sang ila nga careful planning sa pagresponde sa bagyo.
Ini ang ginalakipan sang pagpanagtag sang food packs, hygiene kits kag medical supplies sa mga rehiyon nga maapektuhan sang bagyo.
Bangud sa Bagyong Kristine nakatuon na ang OCD, suno diri ginmobilized sang mga ini ang search, rescue kag retrieval teams sa Luzon kag iban nga bahin sang pungsod.
Kapin 13,857 personnel nagikan sa Armed Forces of the Philippines, Philippine National Police, Philippine Coast Guard, Bureau of Fire Protection kag iban pa nga ahensya sang gobyerno ang kabahin sang 1,282 search, rescue and retrieval teams nationwide.
Sa nasambit nga numero, 3,830 personnel ang kabahin sang 493 teams ang nakastandby sa Ilocos Region, Central Luzon, Cagayan Valley kag sa Cordillera Administrative Region (CAR).
