Ginpahayag sang Malacañang nga posible nga makigbahin sa pagpatigayon sang lifestyle check ang Office of the Ombudsman kag Bureau of Internal Revenue (BIR) para sa mga opisyal sang Department of Public Works and Highways (DPWH).
Ini matapos ginmando ni President Ferdinand Marcos Jr. nga igapaidalum sa lifestyle check ang mga opisyal sang DPWH kasunod sang kontrobersiya sa flood control projects.
Suno kay Palace Press Officer Under Secretary Claire Castro, sa karun pagapangunahan sang tagsa-tagsa ka mga ahensya ang lifestyle check sa ila mga opisyal kag empleyado.
Ginpasiguro man sang Malacanang nga makasuhan kag mapasabat sa imbestigasyon sa flood control projects bangud wala na nalipay kag akig ang Presidente sa mga anomaliya kag korapsyon sa proyekto.
Sa karun, nagdangat na sa 9,020 ka reports may kaangtanan sa flood control projects ang nabaton sang Presidente.
