Apisar nag-recant si Orly Guteza sa iya una nga testimoniya nga gin-alegar nagdul-ong ini sang kickback kay former House Speaker Martin Romualdez, ginpahayag sang Office of the Ombudsman kahapon nga may yara pa sila sang 28 ka mga testigo nga may impormasyon tuhoy sa kaangtanan sang anay speaker sa anomaliya sa flood control.
Suno sa Ombudsman, indi na bag-o ang recantation ilabi na sa mga dalagko kag high-profile nga kaso.
Suno diri, wala nagalibot ang bug-os nga imbestigasyon sa isa lamang ka witness.
Sa pihak sini, ginpahibalo sang Office of the Ombudsman nga may yara pa sila sang 28 ka mga testigo nga nakahanda nga maghatag sang direkta kag material nga impormasyon sa transaksyon nga nagaangot sa mamalidha.
Ginpahayag nga nagapaidalom na ang mga testigo sa legal nga proseso.
