Ginpaathag sang Office of the Ombudsman nga ang pag-file sang mga kaso batok sa pila ka mga opisyal nga may kaangtanan sa gina-alegar korapsyon, lakip na si Sen. Rodante Marcoleta, ang ginbase sa ebidensya kag sa merito sang kaso, kag indi sa pulitika.
Ini ang ginpahayag ni Assistant Ombudsman Mico Clavano kadungan sang protesta sang linibo ka mga tawo sa EDSA, lakip ang mga katapo sang Iglesia ni Cristo, bilang protesta sa pagpasaka sang kaso nga plunder batok kay Marcoleta may kaangtanan sa ginaalegar kapaslawan sa pagdeklarar sang P75 million nga donasyon sa kampanya.
Suno kay Clavano, ang panawagan sang mga nagaprotesta para sa accountability kag transparency ang isa man sa katuyuan nga ginaduso sang Office of the Ombudsman pinaagi sa mga kaso nga ginpasaka batok sa mga opisyal kag kontraktor nga madugay na nga gina-imbestigaran.
Una na nga ginpanindugan ni Sen. Marcoleta nga ang pagfile sang kaso batok sa iya ang pagpaninguha sang administrasyon ni Marcos nga pahipuson ang mga kritiko sang gobyerno.
