Ginbatikos ni Vice President Sara Duterte ang Office of the President bangud sa ginaalegar atrasado nga pag-issue sang iya travel authority nga suno sa iya apektado ang iya pagbiyahe.
Suno kay Duterte, nagtuga ini sang pangduha-duha kun pahanugutan siya nga makabyahe, rason nga ginbag-o niya ang iya travel plans.
Ginkumpirmar sang Malacañang nga gin-aprubahan ang iya travel authority sang Abril 22 para sa pagbiyahe sa pila ka mga pungsod.
Ginpangabay niya ang Palasyo nga iproseso sang mas madasig ang iya masunod nga travel request agud malikawan ang aberya sa preparasyon.
Dugang pa, importante man ang husto nga pag-uyat sang mga sensitibo nga dokumento.
Ang nasambit nga isyu ang kadungan sang impeachment hearings batok sa iya sa Kamara kag separado nga desisyon sang International Criminal Court angot sa kaso sang iya amay nga si anay Presidente Rodrigo Duterte.
