Ang Office of the President (OP) sa idalum ni President Ferdinand “Bongbong” Marcos, Jr. amu ang top confidential kag intelligence fund spender para sa 2023 bangud sa gintingob nga P4.56 billion suno sa Commission on Audit (COA) Annual Financial Report.
Suno sa COA, ang Office of the President ang nagapabilin nga may pinakamataas nga balor sang confidential expenses kag ginamintinar ang kaangay nga level sang tinalikdan nga tuig.
Ang OP ang naggasto sang P2.25 billion kag P2.31 billion nga balor sang confidential kag intelligence funds sang 2023 suno sa COA.
Nagapangaduha sa ranking amu ang Justice Department nga may P683,853,000 kag ginsundan sang Philippine Drug Enforcement Agency nga nakagasto sang P500 million.
Nagasunod diri ang Office of the Vice President nga nakagasto sang P375 million.
