Bilang pagselebrar sang ika-67 nga kaadlawan ni President Ferdinand Marcos Jr., naghost ang Office of the President sang ‘Handog ng Pangulo: Salo-Salo sa Palasyo’ sa Kalayaan Grounds sa Malacanang kahapon, Setyembre 13, 2024.
Ini ang nagaculminate sang isa ka semana nga series sang free meals nga nagsugod sang Setyembre 9 tubtob 12 sa Presidential Action Center (PACE).
Ang mga attendees, nga kalabanan benepisyaryo nagikan sa PACE, ang ginhatagan sang libre nga packed meals nagikan sa nagkalain-lain nga food stalls nga ginprovide sang sikat nga fast food chains nga gindonate sang private sector partners.
Ang event ang naghatag man sang tiyansa sa publiko agud i-greet ang Presidente sa iya special day kag magpabutyag sang suporta bangud sa iya leadership kag brand sang governance nga “Bagong Pilipinas.”
Nagpabutyag naman si Marcos nga ang iya handom para sa iya kaadlawan amo nga mag-improve ang living conditions sang mga Filipino nga mangunguma kag sang ila pamilya, sa sektor sang agrikultura.
