Napasa na sang Office of the Senate Sergeant-at-Arms (OSAA) sa mga otoridad ang kopya sang CCTV footage nga nagaunod sang natabo nga paglinukpanay sa sulod sang Senate building sang Miyerkules, Mayo 13.
Suno kay acting Senate sergeant-at-arms Mao Aplasca, ‘operational’ ukon nagagana ang CCTV system sa ikaduha nga panalgan sang Senado sa kun sa diin nagluntad ang pagbayluhanay sang lupok sa tunga sang OSSA kag ginapahayag National Bureau of Investigation (NBI) agents.
Suno kay Aplasca, nagsumiter ang iya opisina sang kopya sang footage sa Philippine National Police (PNP) – Criminal Investigation and Detection Group (CIDG) Regional Field Unit NCR.
Suno sa opisyal nga baliskad ini sa mga alegasyon nga wala sang CCTV footage sa area kag wala sila sang ginpasa nga kopya sini sa mga otoridad.
Nag-apelar man ini sa publiko kag sa media nga i-observe ang patas nga pagpalapnag sang impormasyon kag magbase sa opisyal nga mga dokumento nagikan sa otorisado nga government sources.
