Ginhatagan sang House of Representatives ang Office of the Vice President sang isa pa ka tiyansa sa pagtambong sa deliberasyon sang House plenary sa proposed P2 billion budget para sa 2025.
Wala pa nakatambong si Vice President Sara Duterte sa nagapadayon nga plenary debates sa proposed P6.5-trillion General Appropriations Act.
Sa isa ka sulat nga ginpadala kay Lanao del Sur Rep. Zia Alonto Adiong, ang designated sponsor sa floor sang OVP budget, ginpresentar na sini ang overview sang proposed allocations sa komitiba kag ang iya opisina ang nakapasa na sang dokumento nga required.
Suno kay Duterte, ginatugyan na sang OVP ang deliberasyon sang budget proposal sa plenary sa Kamara.
Kagab-i, ginpahayag ni Northern Samar Rep. Paul Daza nga ginalauman sang House members ang OVP nga magtabong.
Apang alas 9:00 na sang gab-i, wala gihapon sang representatives nagikan sa opisina.
Suno kay Daza, luyag nila nga hatagan sang nagakaigo nga oportunidad ang Office of the Vice President nga maghimo sang appearance para sa sponsorship kag debate sang tanan nga mga ahensya.
