Ginpanginwala sang Office of the Vice Presidente nga ginkopya lamang nagikan sa iban nga libro ang “Isang Kaibigan”, isa ka pambata nga libro nga ginsulat ni Vice President Sara Duterte.
Suno kay OVP spokesperson Michael Poa, may yara sang copyright registration ang libro sang Disyembre 2023.
Antes ini, ginmuno sang mga netizen ang similarity sang “Isang Kaibigan” sa graphic novel sang American author kag artist nga si Andy Runton nga may titulo nga “Owly Just a Little Blue.
Lunsay nga main character sa duha ka libro ang kuwago, nga nagatudlo natuhoy sa importansya sang pag-abyanay.
Ginlunsyar ang libro sang tinalikdan nga Nobyembre kag ginpanagtag sang libre sa pampubliko nga mga eskwelahan.
Madumduman nga sang Martes, nangin mainit ang pagsabtanay nanday Duterte kag Senator Risa Hontiveros sang ginpamangkot ini natuhoy sa kaundan sang libro.
