Ginserbehan ang officer-in-charge sang Department of Social Services and Development sang notice to explain may kaangtanan sa issue sa mga Badjao sang tinalikdan nga semana.
Ang notice to explain ang ginserbe ni City Administrator Atty. Pacifico Maghari III.
Ini ang kasunod sang pagwangal ni Iloilo City Mayor Jerry Treñas sa pagtabok sang mga Badjao sa Iloilo agud nga makapauli sa Mindanao apang pila sa ila ang naghapit sa nasambit nga ciudad sa baylo nga magdiretso pauli.
Sa depensa ni Abelarde, naoverwhelm ang Anti-Mendicancy Task Force bangud 80 ka mga Badjao ang ila nga natipon sang Miyerkules kag ila ginhingyo nga sa Iloilo lang malabay bangud mas madasig ang byahe sangsa maglabay sa Dumaguete City, Negros Oriental.
Bangud naakig si Iloilo City Mayor Jerry Trenas sa iya nabalitaan, ginpabalik sini sa Bacolod ang 72 ka mga Badjao apang natukiban nga 15 lang sa mga ini ang yara sa orihinal nga listahan sang DSSD sang mga nagtabok sang Miyerkules.
