Nagpanawagan ang officer in charge sang Women and Children Protection Desk (WCPD) sang Bacolod City Police Office sa tanan nga kababaihan nga indi magkahadlok nga magpalapit sa kapulisan kag magpanugid kun ang mga ini ang biktima sang pagpang-abuso.
Sa interview sang Bombo Radyo Bacolod kay Police Lt. Rowena Jean Magan, ang 18-Day Campaign to End Violence Against Women (VAW) ang nag-umpisa sang Nobyembre 25 tubtob sa Disyembre 12 kun sa diin may yara sila sang ginhamtang nga orange help desk sa SM mall agud nga mas accessible sa luyag nga magpalapit sa ila.
Suno diri, kalabanan sa mga babayi nga nangin biktima sang pagpang-abuso ang wala nagahipos lang kag nahadlok nga mangayo sang bulig, apang panugyan sini nga wala sang dapat nga ikahadlok kag ikahuya bangod bukas sila sa pagbulig kag nagpasalig sa security sang isa ka indibidwal.
Gin-athag man sini nga importante nga dapat nakahibalo ang kababaihan sang mga kinamatarong sini agud nga maproteksyonan ang kaugalingon.
Pahayag ni Magan, indi man mauntat ang Violence Against Women, apang tuyo nila nga mapahagan-hagan ini.
