Ginahulat pa ang opisyal nga pag-anunsyo ni Bacolod City Mayor Alfredo ‘Albee’ Benitez sa posisyon sini nga padalaganan para sa 2025 midterm elections.
Sa interview sang Bombo Radyo Bacolod kay Councilor Al Victor Espino, sa pagsinapol nga ginpatigayon sa Manila sang tinalikdan pa nga binulan, nasturyahan na ang mga posisyon nga posible padalaganan sang alkalde.
Suno diri may yara sang lima ka option si Benitez para sa election nga amo nga mahimo sini nga indi na magpapili, magpapili bilang senador, magswitch kay Cong. Greg Gasataya sa posisyon, batunon ang offer ni President Ferdinand Marcos Jr nga siya ang mangin miyembro sang gabinete ukon siya ang liwat nga magpapili bilang alkalde sang ciudad.
Suno kay Espino, unusual ini para sa ciudad nga isa na lamang ka semana ang nabilin antes ang filing sang Certificate of Candidacy apang wala pa sang political announcement.
Samtang sa team Asenso, nakasugtan na nga si Bneitez mismo ang maga-anunsyar kun ano nga posisyon ang iya nga papilian.
Pahayag sini, sa karun dominante ang team Asenso sa 2025 midterm elections.
