Natalana nga igadul-ong subong nga adlaw Mayo 6 ang mga official ballots nga pagagamiton sa May 12 midterm elections sa mga City kag Municipal Treasurer’s Office sa palibot sang Negros Occidental.
Nahibaluan nga sang Domingo nag-abot ang mga balota kag ginderecho sa hub sang natungdan nga logistics company sa Barangay Alijis.
Sa interview sang Bombo Radyo Bacolod kay Negros Occidental Provincial Election Supervisor Atty. Ian Lee Ananoria, ginpasiguro sini nga kompleto ang mga official ballots santo sa ila nga initial count apang ini ang iga-verify sang natungdan nga mga election officers sa tion nga madul-ong na ini sa ila nga lugar.
Ginpadal-an na sang notice ang mga political parties kag subong man mga watchers agud sila ang makatambong sa inspection sang official ballots kag paraphernalia.
