Nagahulat pa ang Bureau of Fire Protection (BFP) – Bacolod City sang official order gikan sa tiglikom sang Department of the Interior and Local Government (DILG) kun magapatigayon sang banning sa palupok subong nga paskwa kag bag-ong tuig.
Sa interview sang Bombo Radyo Bacolod kay Fire Chief Inspector Stephen Jardeleza, fire marshal sang Bacolod City Fire Station, welcome sa ila inkaso ipatuman gid man ang banning sa palupok.
Ini ang indi naman bag-o para sa BFP bangod sa administrasyon ni former President Rodrigo Duterte, una naman nga napatuman ang banning sa palupok, kun sa diin fireworks kag pyrotechniques lamang ang ginpahanugutan sa mga designated areas.
Isa sa ginakahangaw-an sa karun bangod madamo na sang naka-umpisa sa pagbaligya sang mga palupok kag madamo naman sang nakabakal, gani ginalantaw nga tuman na ka alang-alang kun karun pa lang ipatuman ang banning.
Apang kun magdesisyon ang DILG nga dayunon ang banning sa palupok, ang BFP ang magakoordinar man sa local government unit (LGU) kag iban pa nga implementing agencies.
Pasalig ni Jardeleza, sila ang magasunod lamang sa guidelines sang implementasyon nga idagdag sa ila.
