Nakahanda ang syudad sang Bacolod nga magbulig sa mga Bacolodnon nga Overseas Filipino Workers (OFW) sa Ukraine kasunod sang nagapadayon nga kinagamo sa nasambit nga pungsod.
Suno kay Executive Assistant Ernie Pineda, pinuno sang sectoral concern, wala pa sila sang nabaton nga reklamo kag wala paman sang nagpalapit agud mangayo sang bulig sa OFW help and welfare desk gikan sa pamilya sang mga OFW nga yara sa karun sa Ukraine.
Suno kay Pineda ang Overseas Workers Welfare Administration (OWWA) ang may-ara sang repatriation program kag Balik Pinas Hanapbuhay program kag pasalig sini nga igafacilitate ang mga magapauli nga OFW sang syudad agud nga makaavai.
Suno diri ang OFW help and welfare desk ang nagafacilitate sa mga concerns sang OFWs agud nga mapalab-ot ini sa nagaigo nga ahensya sang gobyerno kag agud makaavail man ang mga ini sang mga programa.
Sa karun padayon pa ang coordination sang mga ini sa OWWA agud mahibaluan kun may Bacolodnon nga nagatrabaho sa pungsod Ukraine.
