Nagdangat sa 40 katawag ang nabaton sang Overseas Filipino Help Desk sa Local Government Unit sang Bacolod City.
Sa interview sang Bombo Radyo Bacolod kay Bacolod City Administrator Atty. Mark Steven Mayo, gin-establisyar ni Bacolod City Mayor Greg Gasataya ang isa ka help desk para sa mga pumuluyo nga may mga himata nga yara sa Middle East nga naapektuhan sang kinagamo.
Suno kay Mayo kalabanan sang concerns sa tawag nga ila nabaton amo nga kun pananglitan nga magapauli ang ila nga himata, mabuligan bala sang ciudad sa pagfacilitate nga makapauli ang mga ini kag iban pa nga assistance nga kinahanglanon sang OFW.
Dugang pa sini nga may yara man sang nagtawag sa ila nga nagapabulig nga macontact ang ila himata kag may yara man sang nagapabulig nga masaylo sa may bomb shelter kasubong man nga wala gid sang communication.
Ginakalipay man sini nga kalabanan nga nagapahayag nga maayo ang sitwasyon kag ginatatap sang gobyerno kun sa diin man sila sa Middle East.
Suno kay Mayo, ang ginapangayo lamang sang mga OFWs nga hinali magpauli ang mga ini may yara sang bulig para sa ila.
Suno diri, nag-affirm man ang alkalde nga magacoordinate ang LGU sa Department of Migrant Workers kag sa iban man nga national government agencies agud nga makapangayo sang bulig nga mahimo ihatag sa mga nagpalauli nga mga OFWs.
