Nadul-ong na sa iya ulihi nga palahuwayan ang Overseas Filipino Worker nga si Leah Mosquera nga tumandok sang banwa sang San Enrique. Negros Occidental nga napatay sa Israel.
Madumduman nga ang 49 anyos nga Negrense Caregiver ang isa sa mga biktima sang missile strike sang Iran sa Israel sang Hunyo 15
Nagtinir pa ini sa ospital sa sulod sang 28 ka adlaw apang ginbawian sang kabuhi sang Hulyo 13.
Nag-abot ang bangkay ni Mosquera sa probinsya sang Hulyo 24 kag ginhaya ang iya bangkay sa ila balay sa San Enrique.
Kahapon, may ginpatigayon nga misa para kay Mosquera sa Our Lady of Candle Parish Church.
Kasunod sini, gindul-ong na sa La Carlota Memorial Park ang bangkay ni Mosquera agud ilubong.
Suno sa abyan ni Mosquera nga si Ta Sara, magkaupod sila ni Mosquera sa isa apartment kag sang natabo ang insidente sang pagpang-atake sang Iran kun sa diin gintinguhaan sini nga salbaron si Mosquera sa sunog.
Wala na nahimo ni Ta Sara nga matapos ang iya mensahe para sa iya abyan bangod sa tuman kasubo nga iya nabatyagan.
Samtang, dako man ang pagpasalamat sang pamilya ni Mosquera sa dako nga bulig sini sa ila.
Nagpasalamat ang hinablos sini nga si Bless sa suporta ni Mosquera sa ila eskwela kag nagpabutyag sang ila pagpalangga sa ila tiya.
