Nanindugan ang overseas Filipino worker sa Hong Kong nga siya ang indi pwede mag-upod sa Zero Remittance Week bangod may mga nagasalig sa iya padala sa Pilipinas.
Sa interview sang Bombo Radyo Bacolod kay Jeje Vergara, Bombo International News Correspondent derekta sa Hong Kong, nakadepende sa aggreement sang empleyado kag employer kun sa 15 ukon 30 ang sweldo.
Suno diri, nation sa katapusan ang sweldo kag indi ini makahulat nga matapos ang Zero Remittance Week bangod sa iya lamang nagasalig ang iloy sini nga may kidney failure kag may maintenance sa highblood.
Pahayag sini nga indi man pwede nga utangon nila sa botika ang bulong, kag mas indi pwede nga iskip sini ang pagtumar sang maintenance tubtob matapos ang Zero Remittance Week.
Dugang pa sini nga tuman ka init sang tiyempo sa karun sa Pilipinas, gani mas mataas ang risgo sa highblood.
Magluwas sa iloy, yara man ang iya duha ka kabataan nga estudyante.
Suno diri, kinahanglan sang mga ini sang mabalon sa eskwelahan ilabi na nga isa sa mga ini ang graduating sa kolehiyo.
