Malapit sa tres mil na ka mga repatriated overseas Filipino workers (OFWs) kag mga locally stranded individuals (LSIs) ang nakabalik sa probinsya humalin sang nagsugod ang repartriation program bangud sa coronavirus pandemic.
Suno kay Negros Occidental Governor Eugenio Jose “Bong” Lacson, sa pinakaulihi nga data, nagadangat sa kabug-usan nga 2,777 ka mga returning residents ang nakapauli na sa probinsya.
Ini ang ginabug-usan sang 1,715 ukon 62 porsyento ka mga LSIs kag 1,062 ukon 38 porsyento ka mga repatriated OFWs.
Dugang pa ni Lacson, kalabanan sa mga nagbalalik sa probinsya nga mga OFWs kag mga LSIs ang nagikan sa Metro Manila nga may 57 porsyento.
Samtang, 33 porsyento naman ka mga returning residents nga nakapauli na ang nagikan sa Iloilo, 7 porysento ang nagikan sa Cebu kag ang nabilin ang naghalin naman sa nagkalain-lain nga mga lugar sa pungsod.
Ginkumpirmar man sini nga padayon sa gihapon ang sweeper flight sa probinsya.// Dugang pa sang gobernador nga 453 ka mga pasahero na ang nagsakay sa sweeper flight nagikan sa Bacolod-Silay Airport padulong sa Metro Manila.
