Liwat nga nag-panawagan ang Officer-in-charge sang Commission on Elections- Bacolod sa tanan nga mga naga-padalagan sa naga-pahilapit nga eleksyon sa Mayo 13, nga ibutang sa insakto nga lugar ang ila mga tarpaulins.
Ini ang kasunod sa ika-tatlo nga pag-patigayon sang ahensya sang Oplan Baklas.
Sa interview sang Bombo Radyo Bacolod kay Atty. Jannette Lamban, masbora sa 100 ka mga tarpaulins ang ila na-pangbaklas kag kadam-an diri ang mga naga-padalagan sa pagka-konsehal.
Suno kay Lamban, sa subong pa lang, makit-an na kun sin-o ang dapat kag indi dapat ibutang sa pwesto bangud sa pag-abide sang kasuguan.
Ginpahayag man sini nga kun sinsenro ang mga naga-padalagan, sa ini pa lang nga tikang, ila na ini nga paga-sundon.
Sila man dapat mismo ang magasaway sa ila mga taga-suporta nga indi mag-patapik sang ila mga tarpaulins sa gina-dumilian nga lugar.
Samtang, may gin-hingadlan man si Lamban nga apat ka mga naga-padalagan sa pagka-konsehal nga masami makit-an ang ila tarpaulins sa poste, kag ini ang kanday Bart Orola, Rico Villafuerte, Rommel Jamero, kag Archie Baribar.
